DE POZA EN POZA POR LOUREZA

 

O noso proxecto pretende dar a coñecer a fermosa montaña que temos no noso colexio, dando a coñecer e investigando o río Tamuxe que discorre polas ladeiras da montaña creando unhas fervenzas, pozas, saltos de auga e meandros fermosísimos. Todo isto acompañado dun traballo en defensa da biodiversidade, coidado ambiental para poder preservalas, estudio histórico e etnográfico da zona e coidado corporal e saúde física. Un proxecto para todo o cole e para a contorna, onde queremos que partícipe toda a comunidade aportando todo tipo de información que iremos revisando e incorporando á nosa biblioteca e traballo.